中大為慶祝四十周年校慶特別排演嘅《中大人家》噚晚壓軸，個話劇咁受歡迎，大家當初都估唔到，但係台前幕後肯定要大讚一番，包括鍾景輝、古天農、杜國威同俞靄敏等等，男女主角嘅演技一流亦不在話下。兩位中大新聞系嘅師妹魏綺珊同李敏都好識做戲。
金耀基校長喺首演當日感動到不得了，親自上台鳴謝，重笑住話四改三係當年中大最抗拒嘅事，睇怕都快成過去，因為當局已經決定三改番四，以便同祖國學制接軌。
講番套劇，由於圍繞住中大嘅校園生活，大學嘅地標好似中大圖書館、崇基教堂，新亞水塔、聯合飯堂以及逸夫宿舍都搬上台，觀眾都好似重返校園一樣，睇得好投入，有人重不停用Tempo抹淚，幾位知名校友好似張文光、陳黃穗、殷巧兒、香樹輝同鄭海泉太太都有得出台，做路人甲乙丙都制，見到咁好玩，鄭大班話都要上台企一企，以示支持。
傳真︰2623-9278
電郵︰