上個周末天氣雖然涼涼地，但天色就好到不得了，唔去打波兼歎吓世界，實在係對自己唔住。
其中一個波友同小初講，可以留意半新股北泰創業（2339），佢話北泰即將公布截至今年9月止中期業績，據講表現唔錯，甚至可能有小小驚喜，所以近排股價表現咁硬淨。
其實小初都唔係第一次推介北泰，呢間汽車零部件生產商，股價由上市到𠵱家，基本上冇乜令捧場客失望，北泰招股價1.33元，最高見過2.35元，就算呢兩個星期大市明顯回落，北泰股價仍然企硬，上周五上升2.38%，收2.15元。
另外，受到北京中信祝福嘅21世紀通（241），上周五股份交投急增，股價重大升4.9%，收0.85元，係52周高位。
收市後小初收到消息，原來21世紀通主席減持股權，雖然大股東減持，但與此同時，北京中信則變成21世紀通的最大股東，唔知呢個股權變化情況，可唔可以抵銷主席減持的負面影響呢？
慕容小初