金管局任總正式喬遷國金中心，唔知劉慧卿係咪掛住區議會選舉，暫時未聽到炮聲。不過，國金二期落成啟用，中環上班一族就多咗好多好去處，包括去間新戲院PALACEIFC睇番場戲，甚至懷吓舊。
八方噚日收到將請柬，先知呢間投資咗一億，有五間影院、五百個座位嘅新戲院會喺下周五，即係十二月五日舉行一個開幕酒會，重請睇戲，有成十套經典作品可以揀，認真盞鬼，而且套套戲都係大片，好似《北飛諜影》、《阿飛正傳》同《亂世佳人》，呢啲片電視都可能播過，但係坐入戲院睇，個feel完全唔同嘅。戲院位於平台一樓，票價最貴六十元。
（圖）PALACEIFC下周五開幕，大播懷舊經典名片。
傳真︰2623-9278
電郵︰