平治CLKCabriolet自推出以來，一直備受各地車迷追捧，而於較早前推出嘅新一代型號，更有唔錯嘅銷售成績㖭！而響最近，CLKCabriolet又榮獲GoldenSteeringWheel獎項，不但令廠方大感高興，而且重稱得上係實至名歸㖭！
由德國著名報章《BildamSonntag》所舉辦嘅GoldenSteeringWheel汽車選舉，每次都會有唔少新車款角逐，並分有多個組別供讀者投票，選出每個組別勝出嘅車款；全新平治CLKCabriolet就喺開篷車組別中力壓其他對手，輕易取得GoldenSteeringWheel獎項。廠方對此深表高興，並相信新車能獲得車迷支持，係與車子本身獨特嘅造型、空間闊落又見設備齊全嘅車廂布局，以及既好力又慳油嘅性能表現有關。廠方亦表明會繼續落力研製切合市場需要嘅新車，以滿足車迷嘅要求。