身為香港首富，誠哥呢幾年都好熱心公益，佢鄉下汕頭最獲益良多。由李嘉誠基金會資助、汕頭大學同中大合作之聯合國際眼科中心舉辦嘅「愛心光明行動」義診周及研討會，噚日舉行開幕禮，副總理吳儀都親自來賀，認真畀面。
為患有難治眼病嘅國內同胞免費診治，呢啲咁有意義嘅活動超人唔怕做多啲。雖然超人咁忙，冇法抽身去汕頭，好彩科技進步，佢一樣可以喺長江中心透過視像技術同嘉賓傾偈，包括鼓勵一個來自廣東高州啱啱做完手術嘅小童陳曉彬，叫佢保重身體努力讀書。
眼科中心嘅院長林順潮希望將呢個中心變成一個轉介中心，接受全國轉介病例，畀患有複雜眼疾病人一個新希望喎。
（圖）林順潮醫生（背向者）準備為陳曉彬小朋友揭開紗布，重見光明。
傳真︰2623-9278
電郵︰