曾志偉前晚擔任林敏驄及林敏怡演唱會嘉賓，在台上大講不文笑話，又讀出鹹濕歌詞，極盡三級。林敏驄更教兒子林肯說曾志偉是龜蛋，但現場不乏小朋友觀眾，恐有教壞細路之嫌。
林敏驄與林敏怡舉行的兩場演唱會，前晚於紅館圓滿結束。除了蔣麗萍、李樂詩及EO2等演出外，曾志偉與張學友前晚亦擔任特別嘉賓，志偉出場大講不文笑話，似乎有教壞細路之嫌，但林敏驄在台上就教兒子林肯罵志偉說：「曾志偉正龜蛋」。
前晚曾志偉出場後，與林敏驄回顧二人以往主持《開心主流派》的環節「開心字典」，他們說到英文字「high」本意指高，但現時則包含開心的意思，林敏驄說：「一齊飲茶即係一齊hightea，一齊喺酒樓食嘢即係一齊high嘢，咁媽媽好開心係乜？」曾志偉即謂林敏驄設陷阱給他。
曾志偉之後又讀出林敏驄為《大丈夫》填的歌詞，但因內容太不文故未推出，曾志偉說：「大丈夫一生有幾次，半夜三間冇××，大丈夫一生有幾次，落雨絲濕冇××，我有無邊定力，唔會隨處屙尿。」
而林敏驄兒子林肯上台時，竟對着曾志偉說：「阿爸，goodshow。」曾志偉忍不住笑說：「係人見到都叫阿爸？你阿爸點教你㗎？」後來林敏驄竟教兒子說「曾志偉正龜蛋」。林肯亦照說如儀，曾志偉即說：「你話呢啲係乜嘢父親？」演唱會結束後的慶功宴上，林敏驄父母即代孫兒向曾志偉道歉。
志偉接受訪問時提到在無綫台慶涉嫌提水送樓一事，他說：「我做完出嚟已經有人咁講，我即刻捉住黎宣姨道歉，後來無綫監製打畀我，問我係咪有工作人員話我知，但真係冇，我點知開口中。」
至於林敏怡在慶功宴接受訪問時提到容祖兒，林敏怡就說：「佢唱功真係好好，歌就不願置評，我冇特別聽，喺電視或者廣告聽到，都避唔到，但我就唔會買呢啲碟聽囉。」
採訪：駱華齡
攝影：陳烱威
