古巨基、梁漢文、Cookies等前晚到觀塘為《森美小儀歌劇團─大衛營》綵排，基仔在劇中與Cookies有不少跳舞場面，他更被Cookies取笑跳舞時雞手鴨腳。
一眾《森美小儀歌劇團——大衛營》的演員Cookies、Shine、古巨基等，前晚到觀塘綵排，各人於綵排時相當認真，不時與該劇監製森美和小儀商討劇情。
身為男主角的基仔透露他於劇中會與Cookies的Kary及Stephy有不少跳舞場面，他笑言：「我成日都見Kary唔停口咁食嘢，我有一part係要單手抱住佢，可能佢太肥嘅關係，我懷疑我扭親條腰。」
此時，站在基仔身旁的Kary即時反擊並說：「唔好信佢講嘢呀，佢跳舞成日唔記得舞步，之後重要賴我唔記得，事實上佢跳舞真係有啲雞手鴨腳。不過，基仔做戲時就好認真，而且佢重教我點樣入戲㖭。」
此外，梁漢文（Edmond）及何韻詩於劇中飾演一對非常恩愛的夫婦，二人不時要講一些十分肉麻的對白，Edmond透露與阿詩會有親吻的場面，不過阿詩表示暫時未能肯定到時會否有親吻演出，她笑說：「由於我粒唇瘡重未好番，個嘴都重係咁爆，我費事到時惹到人啦。」而Cookies的Theresa本亦有份演出，但因為扁桃腺發炎而辭演。
採訪、攝影：李珮洳
