噚日係區議會投票日，往時八方同好多香港人都一樣，興趣不大，但係自從7.1之後，情況明顯有咗變化，因為連一啲從來都唔投票嘅人都去咗投票站，就知道好多人都頂唔順老董及其保皇黨，誓要佢哋下馬。
八方早前同民主黨嘅鄭家富傾過，佢猛話佢哋嗰位係國家主席「錦濤區」嘅候選人何淑萍雖然喺最後一刻俾人抹黑，但係佢哋仍有信心可以打低空降嘅太空人兼攝石人劉江華。
何劉之戰當然影響深遠，但係土共始終好厲害，民主黨嘅心戰室都唔敢睇少啲最後暗箭，隨時反擊。
不過，選舉呢樣嘢難以預測，阿富掛住幫人拉票，到投完票自己喺大埔中嘅選情忽然告急，你話幾可怕呢。
（圖）鄭家富（白衣者）掛住同黨友拉票，唔知火燒後欄。
傳真︰2623-9278
電郵︰