技巧電單車在香港不普及的原因在於場地和裝備也較少。適逢「世界室內技巧電單車賽」下月在港舉行，一班發燒友，將多年玩車心得和大家分享。
圖：黃賢創 文：李勇明
不要以為駕駛電單車衝上高台或滑落樓梯是「特技人」的專長，但其實只要裝備完善及訓練有素，就算辦公室「OL」都可以玩得有板有眼。
文職工作的Stella和她的貨櫃車司機男友方國華（阿B），兩人玩了技巧電單車超過八年，他們高超技術原來很簡單，「膽大心細，熟能生巧」，二人異口同聲地說。體重不足一百磅的Stella，是香港技巧摩托車會兩名女會員其中之一，她的玩車經歷是由好奇心開始。
「好多人以為技巧電單車好危險，其實呢個係一種誤解，技巧電單車唔係鬥快，講求嘅係平衡同控制油門及波段嘅技術，所有動作都係自己決定，唔似賽車咁有其他對手撞埋嚟，我玩咗八年都冇試過嚴重意外。」依偎在阿B身旁的Stella說。
外表粗豪、與Stella成強烈對比的阿B用一見鍾情形容已玩了九年的技巧電單車，他說：「我嘅第一次係朋友介紹，一試難忘。唔夠一星期，我已經決定用幾萬蚊買晒成套裝備。其實玩技巧電單車都好經濟，我每次只係用幾十蚊汽油錢，就可以玩足成日。呢個價錢，出街打場桌球都唔止啦。」
全賴Stella和阿B對技巧電單車情有獨鍾的支持者，香港技巧摩托車會得已成立，綽號「雞髀」的副會長鍾錦雄說：「推廣呢項運動遇到最大問題就係場地，所以希望借今次喺香港舉行嘅世界賽，向政府爭取興建場地。我哋呢個場地，都係朋友借出私人地方，各位會員落手落腳設計，大家先有得玩咋。」
