國家首名升空太空人楊利偉較早前旋風式訪港，唔少香港年輕人都封佢做偶像，佢喺日前書面回答本港學生提出嘅問題。
呢位中國航天英雄認為，香港可以喺中國航天事業發展中有所作為，而香港又比較接近赤道，適合建立發射場，不過香港嘅土地成本則太高。佢又指出，中國嘅航天事業發展必須以提高綜合國力作為後盾，在一國兩制下，香港及澳門同內地喺經濟、教育及科技等方面嘅合作日益緊密，對提升中國嘅綜合國力，發揮咗極為重要嘅作用。
乜話！做發射基地？八方諗香港應該唔會起發射場啩！楊利偉都係講客套說話啫。八方反而想知道，香港可以對航天事業做啲乜嘢貢獻，或者下次祖國搵香港人做太空人囉，到時，如果楊利偉可以過番一招半式就好嘞。
另外，楊利偉仍然繼續盡顯關心青年嘅本色，佢唔單止勉勵學生要珍惜時間，刻苦學習及裝備自己，把握出現嘅機遇，重提醒佢哋喺面對任何事情時，都一定要以沉着及自信嘅態度應付。唔好話十八、廿二嘅年輕人，即使八方都覺得非常受用。
傳真︰2623-9278
電郵︰