7.1之後，老董話過會痛改前非，但係以佢嘅胸襟同死牛一面頸，又好難學得識。
克林頓上月底喺耶魯大學嘅演說，夠值得佢細嚼。克仔篇文叫做「美好世界的藍圖」，講全球一體化前景，佢認為喺全球互相依賴嘅新秩序下，美國必須與他國分享成果，除非你真係相信自己可以殺晒同監禁所有敵人。所以克仔嘅金句係：「令世界充滿更多朋友，更少敵人。」
佢又指，喺現今世界，切勿將一己信念同權利強加於人，特別喺宗教同政治問題上。金句係：「世界充滿沒有容易答案的難題。不是所有與你意見不同的人都是你的敵人。」
睇怕，世界上只有老董咁鍾意樹敵同咁唔包容。馬丁話，唔好期望老董咁多，只係叫佢學吓肥彭，當年明知老董係北京嘅人都放佢入行政局，但時至今日，老董嘅內閣都容不下一把反對聲音。
傳真︰2623-9278
電郵︰