曾經因為賣底褲事件，喺日本藝能界幾近銷聲匿迹嘅中村愛美，前日出現喺台灣嘅電視節目，我羅拉八到係因為同原本喺日本做模特兒，𠵱家去咗台灣搵食嘅KENJI有啲交情，所以今次純粹捱義氣訪台。 咁中村又真係好識做嘅，對住KENJI連錫佢面珠四次，又講明對男方有好感，雖然唔知佢係唔係假戲真做，但我羅拉都覺得呢招係掂，結果都成功謀殺咗記者唔少菲林。