黃澤鋒在昨日凌晨一時許，偕同數名朋友一同出現蘭桂坊，其間他與一名穿格仔短裙、打扮青春的女伴表現親熱，女伴不時挨在黃澤鋒身邊，兩人行上斜路時，女伴又捉住他的衫袖，其後更挽着他的臂彎。
黃澤鋒已有圈外女友Winnie，昨日本報致電給他，問他為何與女伴如此親熱，他在電話中說：「我哋成班朋友去街，嗰個女仔係我朋友，我女朋友都識佢。佢着住高跟鞋，行斜路捉住我行啫，冇乜嘢大不了，又唔係當街揸人個波，有就大劑啫。」
問黃澤鋒為何不帶女友一齊蒲？他說：「佢喺第二度唱卡拉OK，佢都知我同啲朋友去街。」此外，曾志偉兒子曾國祥昨日凌晨與大班年輕人在蘭桂坊蒲吧，而黃秋生亦偕同一名外籍女子到蒲點Fly耍樂。
採訪、攝影：娛樂突發組
