關心妍、梁詠琪（GiGi）、方力申、鄧麗欣、楊千嬅和梁漢文等，昨日在將軍澳電視廣播城錄影無綫節目《全城投票樂安居》，一眾歌手更在節目中呼籲市民在今日選舉中投票。
關心妍透露會憑外表選出區議員，她說：「我都係睇個樣靚唔靚仔嚟投票，個個嘅政綱都話自己好㗎啦。我覺得大儍（成奎安）去選都幾特別，如果我住嗰區都選佢，我估佢會勝出㗎。」
方力申表示一定會盡公民義務去投票，而且支持一人一票選特首，他說：「我揀嘅未必同爹哋媽咪一樣，我細佬雖然唔喺香港，但係之前我都叫佢登記做選民。」
此外，GiGi昨日亦以仁愛愛心大使身份往商台出席活動，並坐開篷跑車進場，甚有氣派。她透露年少時常常做義工探望獨居老人，令她害怕老年孤獨無依，GiGi說：「因為見佢哋冇人照顧，覺得好慘，驚自己第日孤獨終老，所以會生小朋友，起碼生兩個，因為一個唔乖都有另一個嘛。」至於伊健的父母可有對她們暗示想抱孫？GiGi連忙笑說：「婚都未結，總之太長遠喇！」
採訪：卓美娟
攝影：陳烱威
