用以入替原有323車系嘅全新萬事得Mazda3（即日版Axela），不但喺10月正式推出，至11月17日嘅短短一個月時間內，於日本本土市場售出多達4,500部新車外，最近重入選EuropeanCaroftheYear2004嘅候選名單㖭！
被視為車壇盛事嘅EuropeanCaroftheYear選舉，係由來自22個歐洲國家嘅58名專業車評人，響多款最少五個歐洲國家有售嘅新車當中投票選舉出來；而響第二輪投票中，一眾評選委員響35部候選車款中選出最後七強作第二輪投票，當中包括有萬事得Mazda3、快意Panda、福士Golf、豐田Avensis等車款。最後，快意Panda憑着其出眾嘅表現，以281分嘅最高分數贏得EuropeanCaroftheYear2004獎項，而萬事得Mazda3及福士Golf則同樣以241分緊隨其後，豐田Avensis則有219分。廠方對新車能入選最後七強感到十分高興，並希望日後研製嘅新車，能獲得EuropeanCaroftheYear或其他獎項。