無綫劇集《皆大歡喜》演員林文龍、廖碧兒、劉玉翠和苑瓊丹等，昨日在樂富出席「2003/2004年房署職員同樂日」活動。林文龍的未婚妻郭可盈未能奪得今年台慶「我最喜愛的女主角」獎項，更被得該獎的張可頤批評沒有代表作，林文龍昨日力撐郭可盈態度專業，更對張可頤的言論作出反擊，暗寸張可頤有遲到的陋習。
林文龍說：「贏咗唔代表好，更加唔應該驕傲，人哋攞到我哋都會戥人高興，不過觀眾嘅眼睛係雪亮嘅，攞個咁嘅獎係咪代表全世界最叻呢？做主角係成套劇嘅中心點，遲到會影響其他人，呢樣嘢可盈就做到十二分好。」
此外，張可頤昨晚在將軍澳電視廣播城拍攝無綫新劇《金枝慾孽》時，回應連日來的是非說：「今次係一個美麗嘅誤會，我講嘅時候係好輕鬆同冇任何惡意，不過俾人斷章取義咗，所有唔係我親耳聽到嘅嘢，我只會一笑置之，總之就清者自清啦，有機會遇到可盈會同佢解釋。」
採訪、攝影：卓美娟