離開咗SpiceGirls咁耐霉足咁耐嘅EmmaBunton，近年歌影視無瓣掂，已經淪為紙上暗星。Emma早排有感而發，話知道𠵱家搵食艱難，所以會畀多兩年時間自己，如果喺娛樂圈真係撈唔掂嘅話，就會轉行做生意！ 不過爛船都有三斤釘，呢排英國嘅馬莎百貨邀請佢拍聖誕節電視廣告推銷禮品，不過睇佢個樣披頭散髮，都知廣告商對佢重視極有限，我羅拉諗佢都應該要提早轉行。