呢輪特區政府好似醒咗少少，反應快咗少少，但係始終未搞得掂啲人事任免嘅問題，其實當中真係有好大嘅學問。
好似胡紅玉咁，講嘅嘢唔係咁啱政府聽，但係就啱晒啲西方社會嘅領袖聽，一日有紅姑喺度頂住班老外，你就唔使煩，偏偏老董唔信邪，死都要除之而後快，咪搞出個大頭佛。
八方有日喺地鐵遇到九七年離開官場嘅梁文建，佢𠵱家幫嘉華集團嘅呂志和打工，做咗集團顧問，專責睇住啲政策嘢，見到佢老哥，八方就諗起當年佢做廉政專員，再數一數，由當年計起，六年以嚟，老廉阿頭已經換咗好多個，計計埋埋已經有四個人，任關佩英、黎年、李少光以及現任專員黃鴻超。
問梁生係咪換得太密？佢都話：「係啦，密咗啲。」唔知老董覺唔覺？
傳真︰2623-9278
電郵︰