【本報訊】7.1遊行挑起年輕人的政治醒覺，紛紛登記成為選民，不少年輕人更已準備就緒，在今日區議會選舉投票中獻出「第一次」，他們呼籲其他年輕選民延續7.1遊行的精神，主動出擊參與投票，將不負責任的「保皇黨」轟出區議會。
「今日我一定出嚟投票，一來希望盡番做公民嘅責任，二來就係想將啲不理民意嘅保皇黨鏟除。」現時就讀中文大學會計系二年級的杜偉傑，自言一向對政治極感興趣，故七月一日亦有參與反對23條立法大遊行，他期望年輕人能夠多關心社會，今日踴躍投票。
今年剛滿十八歲的盧智聰，經過7.1遊行的洗禮後，便隨即登記成為選民，準備今次區選中選擇心水人選，但結果卻因其選區的候選人沒有對手下自動當選，令他失去投下神聖一票的機會。「冇得揀真係好失望，最慘就係嗰位自動當選嘅議員係民建聯成員，惟有希望其他有得揀嘅選民，可以珍惜今日嘅機會，選一啲爭取民主嘅人士入區議會。」
就讀中六理科的盧智聰表示，這一年來政府就23條立法，令他對政治及時事更為留意，他周遭的同學亦開始關心社會。「有啲同學都同我講會出嚟投票，我諗今日嘅投票率一定會高過上一屆。」他表明，一定會在明年立法會選舉中，投票支持民主派。