公益金噚日舉行周年頒獎典禮，表揚一班捐款慈善家。結果由滙豐銀行連續第四年奪得最大慈善家美譽，截至今年六月底嘅十二個月，滙豐一共捐咗一千一百五十萬畀公益金，比往年增長六個巴仙，咁都俾人炸，真係天冇眼。其次就喺長實集團、花旗銀行、怡和集團同渣打銀行，睇嚟都係銀行比較慷慨。
由於公益金同港交所有聯繫，只要捐出善款，新上市公司都可以選擇一個上市靚冧巴，結果首創置業、中海油田、中國電信、海域化工同浩基集團，因捐款超過一百萬元，除咗靚冧巴，亦有獎。公益金年內共籌得一億三千七百萬元，噚日由公益金主席李業廣向一百四十名捐款機構及善長仁翁頒發獎項。
傳真︰2623-9278
電郵︰