嘉碧儀、袁彩雲及陳敏之等昨日在尖沙嘴出席無綫《千與千尋》記者會，嘉碧儀甫見陳敏之即開心擁抱，陳敏之在台慶夜贏得三萬六千元，故主持取笑嘉碧儀說：「呢輪好多人都鍾意攬陳敏之，想佢請食飯呀。」陳敏之說：「我之前同嘉碧儀拍《金牌冰人》熟咗，有一排冇見呀，見番好開心。」陳敏之又謂她加入無綫後，第一年在台慶贏得十五萬，今年又贏錢，自言十分好運，還稱以後都不會離開無綫。
唐麗球女兒是嘉碧儀的表妹，問嘉碧儀表妹是否已滿月，嘉碧儀說：「滿咗，但我未送禮物，我想送股票畀佢，因為好多親戚已經送咗衫、金同錢，我諗住送藍籌股，等佢十八歲時有啲錢。」嘉碧儀透露她稍後要到無錫拍劇，但十分怕冷，故會帶備多些暖貼。
採訪、攝影：胡比
