咪以為有錢人就淨係食鮑參翅肚，原來佢哋有時都食吓快餐。噚日金鐘Great嘅加拿大漢堡包店開幕，超人新抱王富信去捧場，即場試食漢堡包。佢話同代理人孫錫年一家係familyfriend，喺加拿大讀書已經由細食到大，「我最鍾意食蘑菇漢堡，麥當勞冇㗎！」孫家開心到即時話要一世免費請佢食。
八方奇怪超人家族咁重視健康，都會食fastfood？王富信話：「唔係日日食就OK，我屋企有架整漢堡扒機，自己都會整burger畀小朋友食，我幾鍾意煮嘢，有時都會焗羊扒同煲湯。」咁有乜秘訣食極唔肥？原來王富信經常游水同滑水，重厲害到可以玩花式滑水㖭。
（圖）珠光寶氣嘅小超人老婆，原來鍾意下廚整幾味。
顏英儀攝
傳真︰2623-9278
電郵︰