佘詩曼和張智霖昨日為無綫劇集《西關大少》祈福，張智霖對於在台慶夜落敗「本年度我最喜愛的男主角」獎項，他就質疑無綫的評分準則，更認為該劇未播完，不知為何可以入圍。
張智霖、佘詩曼（阿佘）、鄧一君及呂珊等，昨日在大埔許願樹為無綫劇集《西關大少》祈福。
眾演員在寶牒上寫了願望後，便把寶牒拋上許願樹，張智霖在寶牒上寫下收視一百點的願望，不過他表示要有一百點收視是沒有可能。張智霖笑說：「皇馬嚟香港都係得五十點收視咋。」阿佘共拋了兩次便將寶牒掛在許願樹上，而張智霖拋了五次之多才成功。
問張智霖落敗無綫台慶「本年度我最喜愛的男主角」獎項，可感到失意？張智霖說：「咁安仔（郭晉安）真係做得好好，其實我只係唔明個遊戲規則到底係點，好似《西關大少》套劇都未播晒都可以入候選名單，令到我有少少無所適從。」
再問他是否希望奪「本年度我最喜愛的男主角」獎時，張智霖說：「我想攞金像獎多啲，我只不過係戥劉松仁唔抵，佢做到出神入化。我自己有份做台慶劇已經係獎啦，最緊要係無綫開心，上年我都有份演台慶劇，要有番咁上下質素先可以演台慶劇，呢啲係福份。我只係唔明個遊戲係點玩。」
張智霖對於《西關大少》一劇，最高收視達三十七點，約有二百三十九萬觀眾收看，他感到很開心。而阿佘雖然同樣落敗「本年度我最喜愛的女主角」獎項，她表示惟有寄望明年再來過。提到張可頤得獎，阿佘即說：「我都戥佢開心，佢係實至名歸嘅。」
此外，阿佘下月將會到北京為無綫新劇《金枝慾孽》開工，聖誕節和新年都要在北京度過，問她其緋聞男友陳浩民屆時會否前往探班時，阿佘便說：「我唔知佢𠵱家喺邊，不過睇吓佢有冇心啦！聖誕節我都唔可以陪媽咪，好彩喺北京可以過一個白色聖誕節。」
採訪、攝影：王崇穎
