「二十年代，廣東順德倫教鎮的鄭家誕生了一名男嬰，父親鄭敬詒替他改了個名字：鄭裕彤。富裕的裕，彤是紅色，又喜慶又吉利的名字。恰巧，鄭敬詒的好友周至元家也誕下一名女嬰，取名翠英。」
呢位周翠英就係鄭裕彤太太。呢段姻緣原來係「指腹為婚」──而鄭裕彤本傳記《黃金歲月》嘅第一章，就叫做「指腹為婚」，上述一段，係八方抄自該章，肯定權威。
八方同好多新聞行家，對彤叔都有好感，一線富豪之中，佢算好好人，所以知道佢出傳記，馬上搵嚟睇睇。
本傳記一共有十八章，由出世到做學徒到成為珠寶大王，然後做地產，進軍賭業，北上投資，十分詳細。
唔講唔知，原來現年七十七歲嘅彤叔除咗不煙不酒，重對唱K呢種年輕人玩意十分鍾情。
至於執筆者，係一位叫陳雨嘅人，據聞佢亦係傳媒中人，不過就係內地精英，喺武漢電視台搵食，所以，本《黃金歲月》特別有講投資武漢嘅故事。各位有興趣睇富豪傳記，唔好錯過，叫彤叔送番本欣賞吓，最好簽埋名啦。
傳真︰2623-9278
電郵︰