換套睡衣做公主

心目中只有有錢一族先會特登買套靚靚睡衣瞓覺，起碼自己同身邊朋友都只着舊衫當睡衣，其實諗諗吓，平時轉季都會買新衫啦，點解唔試吓買套新睡衣着吓啫，百零蚊可以𠱁吓自己開心，𠵱家啲睡衣咁多花款，買套畀寶貝女，着到靚一靚扮埋睡公主都重得呀。

記者：張銘恩

囡囡變公主
粉紅色睡裙，心口一個白雪公主，燈籠袖，囡囡着起即時變身經典童話女主角。

米奇仔仔夠整齊
呢套米奇米妮套裝睡衣都唔輸蝕，尤其上衣領邊及袖口都襯埋條格仔睡褲，好精美有Taste喎！

眼瞓灰姑娘
估吓呢個係邊個？就係可人兒灰姑娘啊！淡淡粉藍色睇見都想瞓覺，連埋小斗篷一件過，靚晒。

一家大細齊齊着
全家人齊齊着同款睡衣雖則有啲肉麻，但其實又幾溫馨喎，各位有無膽量邀請你嘅家庭成員着起呢款和式印花睡衣呢？

售賣點：各大利安娜專門店
電話：21109666