為了換取專業廚具，主婦們各出奇謀，有人每天如朝聖般到超級市場購物，有的「發動群眾力量」，要求朋友將購物所獲的印花轉贈，有的甚至「走精面」在超市收銀機苦候不要印花的陌生人，能施予一張半張；不過，亦有市民坦言不會為貪廚具而「買貴嘢」：「梗係邊度平先喺邊度買嘢啦。」
主婦曾太正儲超市印花：「因為想換個煲，但真係好難先換到，因為要成幾十個印花，要好多錢㗎。」她已經盡量光顧超市，但由於動輒需數十個印花才可換廚具，故一直未能如願。
與丈夫一同逛超市的張太也有儲印花，她發現常有主婦在超市收銀機附近等候機會。她說該套廚具非常專業，質料十分好，但自言不太「沉迷」：「我都會周圍買嘢，唔會限死自己一定要喺超市買。」
Millie則靠朋友幫忙，終於「集腋成裘」，成功以六十個印花加約二十元換得十六厘米單柄鍋連蓋：「哈哈，咁就唔使自己咁辛苦囉。」
本報記者