陳文媛（BoBo）最近養了一隻芝娃娃Vanilla，她日前帶愛犬去街，首次行草地的Vanilla弄出不少笑話。BoBo表示愛犬平時十分搗蛋，很喜歡咬鞋子，又會在主人床上瀨尿，當牠不聽教時，BoBo便會將牠鎖入狗籠，以示懲罰。
陳文媛家中近日添了位新成員，就是愛犬芝娃娃Vanilla，BoBo每次提起牠，便即時笑容滿臉。原來BoBo八年前曾替姑母飼養一隻松鼠狗，但因為被人投訴，所以無奈要將松鼠狗歸還給姑母。
直至兩個月前，BoBo在寵物店看到Vanilla，即時一見鍾情將牠帶回家。當談到愛犬的趣事，BoBo即喜形於色說：「佢好鍾意咬人啲鞋同腳，所以我每次返屋企除鞋，都要將Vanilla放喺床上，點知佢竟然喺床上瀨尿，初時打佢都唔聽教，不過𠵱家我一講『坐監』，佢就乖晒，因為佢一唔乖，我就鎖佢喺狗籠，呢招好有效㗎！」
Vanilla的命運可算十分坎坷，BoBo說：「原來佢一返嚟嗰陣，已經整傷咗隻眼，當時我唔知道佢隻眼做乜好似黏住咁，睇醫生時，重俾醫生鬧我咁遲先帶佢嚟，如果再遲啲，Vanilla重會盲㖭，最後佢要做手術先好番。」
Vanilla現已康復，所以BoBo日前帶只有四個月大的Vanilla到維園見世面，首次行草地的Vanilla起初表現驚青，但當熟悉了環境後，Vanilla就立即發揮搗蛋本色。
Vanilla狂食地上的乾葉，令到BoBo疲於奔命替牠清潔嘴巴，最搞笑是牠舔完乾葉，又即時親BoBo的嘴，令到BoBo哭笑不得。
雖然Vanilla狗仔細細已是百厭星，但BoBo仍十分疼愛牠，由於近日天氣開始轉涼，所以BoBo為Vanilla添置新裝。
採訪、攝影：駱華齡
