英皇三T之一的劉思惠（Maggie）曾被拍得陪同英皇老闆消遣和唱卡拉OK，但她卻表示從未聽過楊受成唱歌，原來一向喜親自照顧新人的楊受成聽過小花唱歌和看見她們的打扮後，會給予意見。
英皇娛樂老闆楊受成一向喜歡親自照顧公司的小花，而英皇三T之一的劉思惠偶爾會陪伴楊受成往消遣和拍戲探班。Maggie表示跟楊受成唱過數次卡拉OK，但從未聽過他唱歌，不過她表示楊受成很留意公司藝人，又樂於給意見大家。
Maggie自言很貪靚，每次出席公開場合總花很多時間打扮，她說：「其實楊生好關心我哋每位藝人，好緊張我哋嘅形象，有時同我哋落駿景玩，見我扮得唔靚，佢會畀啲中肯意見。」
問Maggie曾否跟楊受成唱K，她說：「我都冇聽過佢開金口，多數都係我哋唱歌。不過，佢聽到我哋嘅歌聲，有時都會畀吓意見。」
Maggie天賦一雙四十二吋長腿，故她很喜歡穿短裙和短褲，以突出優點。問Maggie有甚麼護腿心得？Maggie說：「我每晚都會為雙腳做護理，搽潤膚膏。有時工作需要企得耐，對腳會好攰，我就會等夜晚沖涼時，用花灑冷熱水交替沖對腳，消除腳部疲勞，呢個方法都幾有效。」
採訪：比華利
攝影：陳偉權
