流動式多媒體裝置愈嚟愈流行，唔再局限喺周街聽歌、打機咁簡單。SONY新出一部PCVA-HVP20，外形小巧美觀，主要錄製電視節目或其他影片，變成流動式播片機。機身設有一個3.5”屏幕，拍住手提遊戲機GBA嘅屏幕尺寸，睇戲睇電視都舒服得多。PCVA-HVP20內置20GB硬碟，約以MPEG1格式儲存，足足可收錄31小時嘅節目，成套《俗世情真》都放得落，確實相當之長氣兼襟睇，長途旅程就至啱。接駁介面為USB2.0，就算抄大容量影片都好快手。PCVA-HVP20預計售價為五萬日圓（約港幣$3,500）。
記者：徐影龍
官方網址：