麥家琪現正投入拍攝王晶執導的新片《精裝無間追女仔》，她在片中雖然是一名女警，但依然會以性感形象出現，並與韓君婷及黃泆潼等大鬥身材。而在電影開拍之前，麥家琪在街上遇見了一次警方掃黃行動，更即場偷師。
性感女星麥家琪早前簽約亞視，並將於下月拍攝新劇《媽媽真的愛妳》，而她有份參演、由王晶執導的新片《精裝無間追女仔》亦已開始拍攝。今次是麥家琪繼《新紮師姐》後再次飾演女警，剛巧她在亞視的新劇中，同樣又是飾演警察，對此麥家琪開心不已，她日前接受訪問時說：「都好開心㗎，可以做啲咁正氣嘅角色，唔通做賊好咩！」
電影拍攝前，麥家琪在街上遇上一次警方的掃黃行動，她立刻在現場偷師，麥家琪雀躍地說：「今日要演一場拉北姑嘅戲，咁啱我噚日喺油麻地又撞正警察掃黃，我梗係即刻喺度睇吓先啦，順便偷吓師嘛。」
麥家琪在《精》片中飾演一名惡女警，不過在現實生活中，她認為自己與角色並不相似，麥家琪說：「我真人梗係唔係咁啦，雖然我大聲，但係我好斯文，好爽朗，我係講道理嘅人嚟嘅。」
麥家琪續道：「不過個角色都同我幾似嘅，因為如果我遇到一個我鍾意嘅人，都會作出主動㗎！」那麼麥家琪的現任男友是否由她作主動追求呢？她說：「呢個順其自然嘅，唔講啦！佢好小器㗎！」
今次麥家琪將與韓君婷、2R、黃泆潼及陳百祥等合作，提到要與多位身材出眾的性感女星作大比拚，麥家琪表現得不以為然，她說：「唔係着得少就代表靚嘅，最好就唔使我做㖭。」
採訪：羅慧敏 攝影：林德雄
髮型、化妝：Elmond、Emily
服裝提供：BELLA
