收身兼豐胸成功嘅巨胸水着女星MEGUMI，真係有唔少負面新聞，一時又話佢有私生女，一時重傳佢搞同性戀㖭！講真我羅拉就真係唔多信，因為MEGUMI成日提住自己冇男友好寂寞，我見佢好渴望嘅神情，相信佢真係好想有仔陪！
MEGUMI份人都算幾飲水思源，繼去年為東京台場Joypolis遊樂場嘅聖誕燈飾任亮燈嘉賓之後，前日再接再厲，一如以往着晒聖誕女郎服，戴埋頂帽，出席同樣嘅活動宣傳聖誕節。
本來都歡歡喜喜，但一被問到今個聖誕點過，MEGUMI就悶悶咁講：「我又冇男朋友，今年都係喺工作中度過吧。」冇拍拖一個人過聖誕又真係幾lonely㗎，所以MEGUMI都有決定，佢對記者話：「我打算一收工就約晒幾十個friend開party！」
咁又係，日本人好興喺派對度物色對象㗎，我羅拉諗如果MEGUMI用呢個聖誕女郎look會未來情人嘅話，我都會嗒晒糖啦，但MEGUMI就怕醜咁話：「喺自己鍾意嘅人面前，唔會咁着啩？」