朱茵和鍾欣桐（阿嬌）前晚出席纖體公司的慶功宴，刻意穿上色彩燦爛露背裙搶鏡的朱茵，表示最近獲纖體公司加薪續約，數額保密，但她不諱言有很多代言人誇大酬金額。
張玉珊的修身堂控股有限公司前日上巿，她前晚邀請了公司的纖體代言人何超儀、朱茵、鍾欣桐、李蘢怡（Tiffany）和孟廣美等齊齊出席在尖沙嘴舉行的慶功宴，眾代言人均以性感打扮撐場，而張玉珊男友向華勝和向華強夫婦等都有出席。
阿嬌穿上由設計師Tomas訂做的橙色襯黑色露背裝，甚為搶鏡，阿嬌笑說：「啲朋友笑我好似萬聖節嘅南瓜。」有報道指阿嬌近日頻頻打扮性感，主要是想博修身堂跟她續新約，阿嬌說：「我覺得都唔係好性感啫，咁晚宴嘛，人哋公司上巿，我都係尊重場合，特別訂做呢套衫。」
朱茵日前跟阿嬌出席修身堂宣傳活動時，曾以一身黑色打扮亮相，大為失色，她前晚顯然悉心打扮一番，穿了一身彩藍色連身裙，並和阿嬌一樣大晒玉背。朱茵又否認誇大纖體廣告酬金，她說：「我從來都冇講過有幾多酬金，呢啲係商業秘密。我最近都同修身堂再續咗一年新約，酬金有加，但唔方便講。其實好多代言人都會誇大酬金，我唔敢批評人，每個人嘅合約都唔同。」
此外，張玉珊前晚向賓客致謝詞時，一度感動得淚眼汪汪，她說：「我同向生（向華勝）拍拖後，冇人敢搵我拍戲，自覺演藝前途係咁上下，我咪學做生意，多謝向生畀咗好多空間同時間我。」章小蕙兩次缺席張玉珊活動，有指她曾要求張玉珊贊助五萬元買晚宴服裝，張玉珊說：「今晚唔講啲八婆嘢，我交畀助手聯絡章小蕙嘅。」
採訪：魯萍 攝影：黃文成
