Olympus旗下嘅數碼相機系列CAMEDIA，外形設計頗具時尚氣息，加上採用多種特製物料做外殼，故此幾款新機嘅銷量都頗為不俗。Olympus趕着為聖誕檔期做準備，特意推出X-250嘅冬季限定版，雖然機能跟舊型號一樣，不過就新加入橙、藍兩款新顏色機殼，明顯分頭攻佔男女市場，作為聖誕禮物亦係不錯嘅選擇。機能方面，配備320萬像素CCD同三倍光學變焦鏡，級數屬中規中矩，以外形及賣價計，尚算幾抵玩。
雖然呢兩款新機殼顏色屬限定產品，不過售價跟普通一樣，賣38,000日圓（約港幣$2,700）。有興趣嘅讀者不妨等特別版到香港先買都未遲。
記者：徐影龍
相關網址：
