八方前晚見到人稱大內總管嘅林煥光，佢精神飽滿，怪不得有行家形容佢近來狀態大勇。林煥光不愧係老手，面對一眾問題都眼咪咪咁笑住回答，你問佢點睇阿董？佢梗係個句：「唔講老闆」。
回歸六年，出咗咁多問題，林生都覺得沒有甚麼大不了。政治上，香港人從英國人管治變成港人治港，加上《基本法》嘅規定，推行政治任命嘅高官問責制係避不了；至於成年幾都未成型之「隊形」，佢亦覺得無可厚非，反正外國好多地方嘅內閣成員都有公開唔咬弦。
至於經濟不景，亦都有迹可尋，佢喺港大學讀經濟嘅，就更信奉經濟周期有起有跌嘅定律。
好消息係，依佢老哥嘅分析，香港目前嘅勢頭唔錯，特別係中央噚日又簽埋字畀香港搞人民幣清算，認真關照。所謂顧全大局、穩定第一，香港為先，中央有咁嘅定調，唔怪得香港一定唔會死。
傳真︰2623-9278
電郵︰