如果大家有留意車壇動態的話，相信都知道福特曾於較早前，推出一款名為FocusRS嘅跑車，並成為車迷茶餘飯後嘅話題；但響最近舉行嘅2003年SEMA展覽上，福特廠方就展出咗全新嘅FoucsRS8跑車，以展示佢哋最新嘅引擎呢！
呢款福特FocusRS8，起用咗一台經由FRPP（FordRacingPerformanceParts）所研製嘅5.0公升V8引擎，不但重量來得輕巧之餘，就連動力輸出數值亦見強勁，其中馬力輸出約為420ps/6700rpm，附以Racing波箱組合，性能表現可謂更見突出有勁；外表方面，新車則沿用現有FocusRS嘅雙門跑車式設計，襯以獨特嘅車身色調，同埋一套18吋跑車合金胎軨，一份誘人魅力油然而生，車廂布局亦變得甚具跑味，以切合其跑車化個性。