李嘉欣前晚出席某雜誌舉行的派對，衣着性感，低胸上衣騷本錢，成為全場焦點。談到珠寶經，嘉欣說：「生日會有珠寶首飾呢啲禮物，收得鑽石，起碼係自己鍾意嘅男人或者男友。」
梁詠琪、李嘉欣、陳慧珊、黃秋生、吳鎮宇和古天樂前晚在尖沙嘴海港城露天停車場，出席時尚雜誌《瑪利嘉兒》十三周年派對，並獲頒發「EternityofFame」大獎。
李嘉欣穿上JohnGalliano透視低胸上衣，佩戴LV碎鑽頸鏈，成為全場焦點。梁詠琪以高貴黑色晚裝裙示人，而陳慧珊則以簡便皮褸牛仔褲到場，相對較為失色。
李嘉欣的低胸上衣盡騷本錢，不過她經常整理上衣領口，以防走光。談到LV碎鑽頸鏈，嘉欣說：「我平時唔會用晒啲錢去買鑽石，只係欣賞角度，亦都冇話買幾貴嘅鑽石。但係生日就會有珠寶首飾呢啲禮物，但價值連城嘅當然唔會收，收得鑽石，起碼係自己鍾意嘅男人或者男友，唔鍾意人哋，收嚟都冇point啦。」
吳鎮宇則表示他主演的無綫電視劇《衝上雲霄》受歡迎，所以最近不敢外出，他說：「我驚出街同巿民有衝突，我唔太習慣面對觀眾向我攞簽名同影相。以前試過喺廣州機場，有熱情影迷攬住我，要同我影相，但係我都冇同佢影，重扮自己唔係吳鎮宇，因為我驚其他人都湧埋嚟。」
吳鎮宇續說：「又試過有個女人，喺內地一個名勝遇到我，要同我影相，佢伸晒脷㖭，之後重傳出我同個女人出埠。不過我太太唔介意影迷咁熱情，佢重話我應該好似周潤發咁親民，但係我做唔到。」
此外，英皇旗下三T的鄭希怡（Yumiko）、劉思惠（Maggie）和蔣雅文（Mandy）、Boy'Z及吳浩康前晚亦有到場，Yumiko和Boy'Z到場不久即離開，而Mandy和Maggie則逗留十分鐘睇騷，但由於採訪通告上沒有他們的名字，亦沒有人招呼他們，結果無癮地離開。
採訪：陳梅香
攝影：陳偉權
