數碼相機熱潮勢不可擋，大量附加產品如泉湧至。就好似GREENHOUSE呢款GH-YKR48，不但係一部外置式流動燒碟機，重內置埋四大記憶卡插槽，支援全線CF、全線MS、MMC/SD卡等熱門制式，影完靚靚數碼相後，直插GH-YKR48便可即時進行燒碟儲存，最啱影完相即時同人分享，不論商用或個人娛樂都咁實用。燒錄CD-R最高可達36×，而CD-RW亦有12×，若當普通燒碟咁接駁至Notebook可用足USB2.0速度，就算多多相都好快抄得晒。GH-YKR48預算售價為19,800日圓（約港幣$1,400），以燒錄速度同支援多種類記憶卡計，算係幾抵玩。
記者：徐影龍