國泰下月復飛北京，上上下下都好想將首航搞得好好睇睇。為加強空姐對乘客嘅服務，機艙服務部上個月出咗本小冊子，除咗教空姐日常必須嘅普通話用字之外，又提到一啲中國人嘅文化，叫大家特別留意。
小冊子話，中國文化好重視階級，所以喺機艙內中國乘客有乜問題，成架機最高級嘅機艙服務經理，最好搵機會同佢哋解決；小冊子又提到中國乘客好鍾意收集紀念品，空姐最好隨時準備好，因為呢啲紀念品都算係間接宣傳！重有要留意祖國大地嘅禁忌，譬如同乘客溝通、傾偈，要避免觸及宗教、政治、政府政策、種族、性別，以至私人事喎。
傳真︰2623-9278
電郵︰