黃凱芹前日四十二歲生日可算豔福無邊，有份出席生日派對的2R，分別向他獻吻，而一名忠心的女歌迷則跟黃凱芹大跳辣身舞，更不時向黃凱芹投懷送抱。
黃凱芹前日跟近一百名歌迷在尖沙嘴一間餐廳慶祝其四十二歲生日，黃凱芹的好友歐陽德勛、蔡立和女子組合2R均有到賀。
2R上台時，黃凱芹即風騷的說：「你哋上台送嘢，梗係錫我。」於是2R的家姐Rosanne就認真的吻向黃凱芹臉頰，而妹妹Race則醒目的作狀借位，黃凱芹便即時踢爆她說：「有冇搞錯，借位錫我，冇嚟誠意，你（Race）梗係要真錫我。你都應該唔係第一次錫人，使乜咁孤寒？」Race反駁：「我拍《當四葉草碰上劍尖時》都係借位，冇真係錫過人。」
Race最後只得再錫黃凱芹臉頰補數，但黃凱芹湊近，二人差點變成嘴對嘴。問2R錫完黃凱芹後，覺得他的臉怎樣？2R說：「好滑，重好香㖭。」
2R又在台上追問黃凱芹幾時找個黃太，他反問：「咁你兩個係咪報名？成日都講住黃太，嗰個可能係你。」黃凱芹覺得2R可有機會做女朋友？他笑言：「家姐機會大，但妹妹就冇可能，佢成日駁嘴，頂到上心口。」
黃凱芹更跟一名長髮的女歌迷大跳辣身舞，他顯得很尷尬，黃凱芹說：「我都唔知有咁嘅安排，都幾變態。呢個女歌迷好細個就聽我唱歌，我覺得好似俾個細路女舞緊咁。」
黃凱芹的生日派對上，環球高層陳少寶卻缺席，究竟公司可有給他送上禮物，黃凱芹說：「佢送咗珠江三角洲畀我。」言下之意是指唱片公司為他開拓珠三角巿場，黃凱芹說：「當日簽合約都冇講過，唱片公司遲啲會安排我去內地十五日。」
採訪、攝影：楊潔雯
