唐媽媽尤淑圻靜咗一排，噚日出席美食之最大賞做評審團成員，忍唔住又講到佢個寶貝仔。
唐唐近日萬箭穿心，唐媽媽話佢真係瘦咗啲，因為少咗返屋企食飯，「佢好鍾意飲老火湯，以前每個星期最少返屋企飲兩次湯，𠵱家一個星期先返嚟一次。」唯一安慰係唐唐返親屋企，都會成晚陪屋企人。
唐媽媽又話，老公唐翔千鍾意喺屋企食飯，唐家「御廚」跟足佢哋三十年，最了解全家老少口味，老家廚近日過檔財政司司長府第，專責谷肥唐唐。唐媽媽噚日嘗過美食之中嘅美食後即刻話：「要搵個機會同佢（唐唐）試吓，得獎菜式有幾好味。」
（圖右起）林瑞麟見到唐媽媽尤淑圻，即刻熱情握手，同伯母好熟咁噃。
傳真︰2623-9278
電郵︰