備受車迷注目嘅日本CaroftheYear大獎，今年終被富士車廠旗下全新嘅Legacy車系所奪得；今次獲獎不但令廠方大表高興之餘，同時亦係富士汽車有史以來，首度獲得呢個榮銜㖭！
由48名專業車評人及行內專業人士（如黑澤元治及山內一典等等），投票選出嘅日本CaroftheYear2003—2004，可謂甚具代表性；然而，喺今年才正式推出嘅新一代富士Legacy，憑着其獨特造型、齊全又富跑味嘅車廂配搭，同埋出眾嘅性能及操控表現，而被一眾評選委員對其投下神聖一票，令其以368分之高勇奪CaroftheYear2003—2004呢個榮銜。
與此同時，新一代富士Legacy由今年5月推出後，截止今年10月底合共售出34,901部新車，從而可見新車係幾受歡迎呢！