區議會選舉期近，政界同學者坐埋梗係講吓7.1之後，民主、保皇兩大陣營鹿死誰手。就快同城大講拜拜，醒目過戶跳到船轉投中大嘅蔡子強，同科大社會科學部助教馬嶽，寫咗本《選舉制度的政治效果——港式比例代表制的經驗》，分析香港政治形勢，兩位講師不約而同咁話，7.1其實對民主派冇乜着數，佢哋估計今次大贏家仍然係民建聯，因為選區議員就等如選街坊保長，唔係講乜嘢政治理念，而係講你同公公婆婆填咗幾多張長者卡申請表、同街坊填幾多份報稅表、綜援申請表，加埋啲免費飲宴、又有蔡素玉咁把炮，可以同康文署「合作」喺維園搞party，吃喝玩樂嘅着數，有時重要過民主。
（圖）蔡子強認為7.1遊行對民主派冇乜着數。
傳真︰2623-9278
電郵︰