前任財政司司長梁錦松、前任保安局局長葉劉淑儀同前任平機會主席王見秋，都俾特首董建華高度讚揚過，結果都下台收場。
學生取消罷課行動，阿董前日跟教統局局長李國章口水尾，讚大學生有質素，令立法會議員李卓人十分擔心大學生俾阿董咀一啖，傳染咗病毒，從此永不超生。
李卓人噚日喺理大個削資大集會上話：「因為董建華話邊樣，就衰邊樣，董生會發死亡之吻，𠵱家吻緊你哋！」另一議員何秀蘭都叫學生要精啲。阿董讚得你叻，即是話你啲智商往後同佢一樣，俾佢讚一讚，邊個唔喊三聲？
其實真係幾邪，以為成功解決今次罷課事件嘅李國章，前日俾董生讚完後，即刻又因反口而俾學生炮轟，重唔係中招？
（圖）俾阿董讚一讚，邊個唔喊三聲？
傳真︰2623-9278
電郵︰