呢邊廂自從富豪代理權易手後，新公司響AndrewTam嘅領導下，短時間內已見業績節節上升，亦見得富豪確實有一班忠實Fans呢！而另一邊廂嘅韓國現代汽車，自從正式落入仁孚行之後，卻一直未見有新動向；惟據亞Mark打探得知，新代理早已向韓國方面訂購首批新車，而且重經已有近百部新車抵港㖭！至於新代理嘅領導層，除MichaelLee會兼任總舵手之餘，早前Michael重響仁孚行內部，搵嚟JoeFung同JoanneTang，負責日後現代汽車嘅日常營運工作；看來萬事俱備之餘，早排Michael重親自作第3次殷選Sales㖭！響原有現代近10名Sales中揀選咗兩位留任，而且重要即時準備新公司委派任務，事關現代新Showroom，今個星期五或星期六就正式開張營業，係咪過渡性質亞Mark就唔多清楚，但以韓國車品牌，可以響銅鑼灣開陳列室，單係地理位置，就經已教人有高層次感；至於正確位置，咪喺利園斜對面嘅嘉柏大廈地下囉！