日本大型百貨公司西田年中不時會有減價，但最勁一次，首推11月優惠日，全店由大型家具、電器用品、入廚用具、床上套裝以至衫褲鞋襪及小朋友玩具都會大規模冧價，引得一班精明消費者乖乖付款開心走人，一站式方便快捷嘅掃貨好時機就喺聽日，各位今晚記住早啲抖，儲足精神明日搏殺！
記者：張銘恩 攝影：梁細權
模特兒：Chole（RichStrategy）
勁筍床上用品套裝
今次減價，床上用品最超值，平平哋製造一個得體優雅的寢室又得，將之變成夢幻式童話世界亦得，各類健康被、羽絨被、茄士咩羊絨被等高質素低價格床上用品，必掃。
套裝睡衣連背心外套
原價$219 特價$138
原價$199 特價$69
美國牌子，包括90%羽絨被、全棉床笠、枕袋、被袋以及太空綿零壓睡枕兩個，一千蚊有找，就可以過個全新暖笠笠的浪漫冬日。
原價$4,580 特價$999（限量80套）
原價$937
特價$299（限量100套）
具最新夜間螢光印刷效果，單人全棉床上用品包括床笠、枕袋、活動多用被連被芯，買套返屋企，話唔定晚晚瞓覺會夢入仙境。
原價$498
特價$199（限量150套）
睡康寧透氣功能枕，具輕微香薰治療功效，淡淡清香令人更安詳地進入夢鄉。
大型家具平得多
想慳得多，買大件頭貴價家具當然就最着數，梳化、書櫃都超抵，另外洗衣機、雪櫃同Plasma等大型電器一律勁減，想換家具？好把握機會喇。
原價$6,280特價$2,999（限量30張）
真皮三座位梳化，可隨意彈起墊腳位，而且有可調校頭位角度設計，想點瞓就點瞓，重有20隻顏色任你揀。
原價$799
特價$399
天氣忽冷忽熱，突如其來話凍就凍，都係買定個暖爐放喺屋企穩陣，Delonghi充油式暖爐，1500W，一般家庭最啱用。
原價$2,758
特價$999（限量50套）
超值書房組合，包括高身電腦枱（32吋闊×23吋深×72吋高）、玻璃門書櫃（24吋闊×12吋深×72吋高）、油壓升降轉椅，𠵱家一千蚊唔使，平時買個櫃都唔止喇。
小朋友都有着數
原價$199 特價$59
返學要帶咁多書，尼龍米奇書包特別輕身，幫小朋友負擔減到最低，背部有護脊軟墊，平得嚟無偷工減料㗎。
原價$168 特價$59
WinniethePooh最新嬰兒毛毯，37吋×26吋，軟綿綿畀BB瞓覺好舒服。
名牌ChickeeDuck今次都有大量貨品減價，媽媽們請GetReady。
米色有帽衞衣
原價$219 特價$109.5
粉紅間條Tee
原價$189 特價$94.5
廚房用品最化算
百貨公司大減價，廚具用品當然逃唔過主婦們法眼，閒閒哋過千嘅廚具套裝，平就唔在講，最重要係有品質保證嘛。
原價$834
特價$398
媽媽心目中嘅星級品牌，四寶包括7吋萬用刀、生果刀、廚剪及木砧板，半價買來有排用。
原價$2,409
特價$888
德國寶廚具，名牌有信心，易潔6件套裝有煲又有鑊，使用及清洗都咁方便，成套搬走意頭價$888，另外再會送你4件烹調用具及金屬枱墊㖭㗎。
出門必買裝備
旅行喼係每年西田減價嘅搶手貨，另外重有大量羽絨、多功能戶外風褸等等旅行必需裝備，有心旅行過聖誕，趁早入貨喇。
粉藍色90%羽絨中褸
原價$1,290
特價$399
Oyster29吋旅行轆喼
原價$1,550
特價$399（限量80個）
320軍綠色波鞋
原價$400
特價$199
夠大又硬淨，有紅、黑、藍、綠等顏色，另送同色行李帶1條，搭飛機俾人點掟都唔驚；中褸收身設計，女仔着唔怕臃腫，加送同款羽絨手套，靚晒。
多功能風褸
原價$1,499
特價$799（限量100件）
男裝Columbia二合一外套，外層為防水風褸，內層為保暖抓毛，夠潮又實用，旅行點都要有件傍身。
原價$1,480特價$599
（限量80套，只於11月20日發售）
包括29吋拉捍喼（有避震轆設計）、20吋手提喼及15吋旅行袋，切合不同出門需要，非常實用抵買，備紅、黑、藍顏色選擇。
無印罕有減價
今次減價連無印良品都有份！精選貨品會有約六折優惠，咁難得重唔爽手大量入貨？
原價$178 特價$110
內有洗頭水、護髮素、沐浴液、洗手液、潤手乳液及磨砂膠樽（用於補充裝），有用開當然係時候趁減價入貨，無用開都不妨趁平試吓。
單人 原價$1,415 特價：$880
雙人 原價$1,720 特價：$1,280
質地軟熟滑手，顏色又清淡，有足「無印」優良傳統，無印迷應該都要有番套，包括有羽絨被、被袋、床笠及枕袋。
購物小貼士
1.不少勁筍貨品只會限量發售，大家志在必得的話最好於首日開放前排隊霸個靚位；若非如此，大家可選擇於當中下午或期後兩日才進塲舒舒服服地Shopping，但要留意某些貨品亦只會限日發售，避免「行大運」請先留意宣傳單張。
2.信用卡優惠：凡於當日以恒生信用卡簽帳滿$1,500，即可換取西田百貨$50禮券一張（換完即止）；另外指定貨品更可獲額外95折，大家記住睇清楚。
3.交通：優惠日期間特設免費巴士由西田開出，分別前往大圍、沙田、馬鞍山，街坊們唔使兩頭"騰"。
西田購物日
日期：11月20至22日
時間：9:00am至10:30pm（11月20日）
11:00am至10:30pm（11月21及22日）
地點：沙田新城市廣場第三期
電話：26941111