劉德華在《無間道III終極無間》中所飾演的角色，想由一個大壞蛋變回一個好警察，極力渴求做好人，結果心理不平衡，需要向精神科醫生陳慧琳傾訴。華仔亦認為今次演繹的角色難度更高，要盡量做到喜怒不形於色。
劉德華、梁朝偉與陳慧琳（Kelly）等主演的《無間道Ⅲ終極無間》，將於下月的聖誕檔期上映，雖然該片以六大影帝作為賣點，但女主角之一的陳慧琳亦佔戲不少。
陳慧琳是《無間道Ⅲ》的關鍵人物，偉仔在臨死前曾將記錄華仔犯罪證據的磁碟交給Kelly，華仔得悉秘密後，經常以精神受困擾為理由，到她的醫務所接受心理治療，華仔因為心裏太想做回一個好人，於是在接受治療期間，連他都以為自己已化身為偉仔，而Kelly更被華仔打動，將記錄了對方犯罪證據的磁碟交出。
對於華仔來說，演《無間道Ⅲ》的難度比首集更高，因為在《無間道Ⅲ》中，他的角色已變成心理不平衡，故此在演繹期間要刻意做到喜怒不形於色，華仔說：「我演呢個角色時，盡量減少面部表情，盡量唔俾人發覺我係壞人。無論喺差館或者對住陳慧琳呢位心理醫生，我都當咗自己係陳永仁（偉仔所飾演的角色），個角色都幾有難度，對我嚟講都係一個新挑戰。」
相反Kelly演《無間道Ⅲ》的壓力比華仔小得多，畢竟這部是以男性為主的電影，她說：「今次我拍呢部戲覺得幾輕鬆、自由，冇乜壓力，可以同兩大影帝合作，就更加無話可說，同華仔、偉仔做對手戲，佢哋好自然會帶我入戲，同佢兩個做戲我就乜都唔使擔心。」
