警隊一哥曾蔭培就快退休，阿董近來面對咁多管治問題（阿董上任六年來邊日冇問題呢），曾一哥變咗胡紅玉一樣，任期到最後一分鐘都唔知阿董想點。
八方收到風，警隊已經等唔切，定咗下星期四去一哥官邸，為佢舉行歡送派對。
自從另一位就快退休嘅警隊高層張之琛自殺往生之後，聽聞一哥好傷心，而且張之琛原本係升職定係退休都未成定局，佢一去咗，就打亂晒警隊接班計劃。本來，曾一哥應該暫延退休，臨危受命，慢慢重組接班計劃，玩多三五年，但係李明逵已經做好接一哥個位嘅準備，至於下一級梯隊之中，睇嚟警務處行動處處長鄧竟成最有機會成為明日之星。
咪睇一哥就快退休，佢其實重好忙，因為歡送派對前後佢都要去廣東同北京，同當地合作開嘅對口單位老友告別，李明逵亦都坐鎮香港，所以有中大校友請佢參與校慶活動同客串演出舞台劇《中大人家》，佢最後都推咗。
（圖）曾一哥班下屬定咗下周四到佢官邸搞歡送party。
傳真︰2623-9278
電郵︰