【本報訊】「老婆、仔仔對唔住，我好愛妳，可惜我有咗一個病，你哋唔好再返嚟！」一名罹患肝癌絕症的二十三歲青年，為免連累妻兒及家人，寧隱瞞病情，獨自忍受痛楚，更設法將愛妻激走讓她早日另覓好歸宿。一切部署妥當後，他昨凌晨在天水圍住所淋天拿水放火自殺，其間難抵濃煙嗆喉冒險攀窗爬上一層向街坊求救，目前性命垂危，但愛妻仍懵然不知錯怪丈夫。 記者：鄧偉明、杜建彬、姜偉康、譚健文
對妻子情深義重的好丈夫蘇海輝，二十三歲，居住天恒邨恒輝樓二十八樓一單位。他面部熏黑，吸入過量濃煙，送院後仍然昏迷不醒，情況危殆，需留醫深切治療部。阿輝的雙親事後到醫院探望兒子，哭得雙眼通紅；之後二人到兒子家中察看，只見單位嚴重焚毀，母親只能執拾數件衣服讓兒子替換，黯然離開。
據蘇母透露，阿輝十八歲時與同齡妻子「阿燕」奉子成婚，育有兩名四歲及五歲的兒子，一家四口遷住上址兩年。兒子過去曾任地盤維修、酒樓散工，雖然收入微薄，但生活樂也融融。
今年初，阿輝驗出患上肝癌後，一直隱瞞病情。他為設法令妻子死心曾失蹤一個月，妻子忍無可忍，兩個月前終帶同兩子返娘家，更向他提出離婚而阿輝因病無法工作需向父借錢接濟，父親不清楚真相，還以為他不務正業，每次碰面便喝罵「不肖子」。
蘇母續稱，兒子近日再向父借錢醫病被罵，才講出真相。雙親知悉錯怪愛子，痛得心如刀割，從沒想過兒子竟如此用心良苦。蘇母還拿出阿輝寫給她和妻兒的兩封遺書向記者哭說：「個仔係因為有病先搞成咁，我今日想將件事話畀阿燕聽，但係佢阿媽唔肯通傳，重嫌棄我個仔，親家奶奶真係狠心、好絕情！」
阿輝以署名「一個永遠掛念妳、你的罪人」寫給愛妻及兩子的遺書上說：「對唔住，其實嗰個月我冇返嚟係我已經知道我個肚有事，我又唔知點同妳講，不過我聽到妳話要同我離婚我先敢返嚟見妳，我咁同妳講嘢係突（特）登等妳唔好理我……我𠵱家成日想住你哋，我好愛妳，可惜我有咗一個病肝癌，你哋唔好再返嚟，就算我死咗都會保護你哋！」
他又以「不肖子」來向母親道別及透露病況：「我係妳的一個不肖子，現在23歲人都唔識得去諗，妳幫我同爸爸講一聲對唔住，唔係我去都去得唔安樂。媽媽妳知唔知我𠵱家一日比一日差，以前就話一兩個月至痛一次半次，但𠵱家係一日比一日痛，個肚好似比（俾）火燒咁……還有時吐血好辛苦，你哋唔好咁傷心，就算我唔自殺，我個病都冇得醫……我𠵱家落去陪細佬……對不起，我真係好想醫好個病！」
事發昨近凌晨零時，阿輝在家中留下兩封遺書後，淋天拿水放火燒屋企圖自殺，其間痛苦難耐，於是從房間攀出窗外，沿水渠爬上一層向街坊周太的兒子求救。對方打開窗框讓他入屋並報警。阿輝當時倒地呻吟，神志不清，消防員到場將他送院，其間數十名居民需疏散到地下。
