來自廣東河源的李國愛，讀至中三便輟學，他因工作勤奮，不久開設鞋廠及娶妻。惟數年前生意失敗，鞋廠結業，妻子亦離他而去，李國愛將僅餘金錢開了果園，並認識了同鄉女友，對她愛護有加。為了掙錢來港當黑工，卻一時財迷心竅，竟將女童綁架及殺害，落得被判終身監禁。
六旬姓陳跌打師傅說，認識李國愛約三年，經朋友介紹到其荃灣跌打醫館看診，相信他是到地盤當黑工而弄傷手腳。
「佢話以前開鞋廠，娶咗靚老婆，後來生意失敗，老婆又走佬，佢就嚟香港做黑工。佢都幾老實，又識好多嘢。但佢好急搵錢，成日都問我有冇工畀佢做。今次佢綁架殺人，都係為咗錢。」陳說。
陳師傅說，替李診治十多次對方付不起診金，賒帳達一千多元，於是找李替他的舢舨杜白蟻，卻惹禍上身，船隻被扣押期間更遭燒掉。
在醫館居住的陳婦形容李勤力、老實，經常帶同鄉女友來探望她，「李喺香港賺咗錢就寄返鄉下畀佢。李又唔想女友嚟香港，擔心佢行差踏錯當娼。」陳婦說，案發前李向她借相機，聲稱帶同女友到海洋公園影相，誰料他拿相機誘女童出外。
陳說，案件揭發後，李的女友表現非常傷心，表示做夢也想不到男友竟然是殺人犯。案件主管劉健偉說，死者的家人剛賣了一層樓，李以為對方有錢，相信他為了錢而行兇。
本報記者