香港有毒金屬醫學會上周四公布咗一項香港病人中水銀毒嘅研究，提醒市民要注意以紅衫魚為首嘅海產，食太多有可能會影響腦部，甚至生唔到仔，斷子絕孫。經過廣泛報道之後，海產市場當堂淡靜晒。
漁民代表噚日開咗個記者會申訴，反駁有毒金屬醫學會。香港漁民團體聯席會議秘書長尹廣霖喺會上厲聲疾呼，話日本仔最怕污染，佢哋食咗紅衫百幾年，都冇病冇痛；霖叔重話，有毒金屬醫學會其實係「山草藥會」──噏得就噏。
跟住到立法會漁農界代表黃容根出聲，佢話唔信食魚會生唔到仔，論據係，漁民餐餐大魚小魚，結果兒孫滿堂。
早嗰輪，美國佬都話食豆腐多會變乸型㖭，第日容乜易又有報告出，話食得飯多，個樣會愈嚟愈似阿董？
（圖）黃容根講出漁民心聲，建議不育人士食多啲魚。
傳真︰2623-9278
電郵︰